Bursa e njohur kriptografike Coinbase raportohet se ka mbyllur një llogari të hapur nga Wikileaks për dyqanin e saj online duke cituar shkelje të politikave të përdorimit të shërbimit.

Wikileaks Shop është hapësira kur sajti shet këmisha, këllëfë telefoni, postera dhe sende të tjera personale me markën e Wikileaks.

Bursa thuhet se ka mbyllur llogarinë e kësaj organizate të cilën e përdorte për dyqanin që do të thotë se kompania nuk mund të marrë pagesa përmes Coinbase dhe më pas ti konvertojë ato në dollarë.

Lajmin e dha vetë Wikileaks edhe përmes rrjetit social Twitter.

https://twitter.com/WikiLeaksShop/status/987510235349663744/photo/1?ref_src=twsrc%5Etfw&ref_url=http%3A%2F%2Fpcworld.al%2Fcoinbase-mbyll-llogarite-e-wikileaks-rrezikon-bojkot-masiv%2F

https://twitter.com/WikiLeaksShop/status/987510235349663744?ref_src=twsrc%5Etfw&ref_url=http%3A%2F%2Fpcworld.al%2Fcoinbase-mbyll-llogarite-e-wikileaks-rrezikon-bojkot-masiv%2F

Coinbase thotë se mbyllja e shërbimit për subjekte të caktuar është konform rregullave të Rrjetit për Krimet Financiare pranë Thesarit Amerikan i krijuar për të luftuar pastrimin e parave.

Megjithatë sajti mund të vazhdojë ende të pranojë pagesa përmes monedhave kriptografike, por jo duke përdorur sistemin e Coinbase.

Lëvizja ka acaruar organizatën dhe mbështetësit e saj. Në Twitter llogari kryesore e Wikileaks kërkoi bojkotimin e bursës javën e ardhshme.

https://twitter.com/wikileaks/status/987531916055318528?ref_src=twsrc%5Etfw&ref_url=http%3A%2F%2Fpcworld.al%2Fcoinbase-mbyll-llogarite-e-wikileaks-rrezikon-bojkot-masiv%2F

Një skenar i ngjashëm ndodhi në 2010-ën kur Wikileaks publikoi sekrete shtetërore lidhur me luftën në Irak dhe Afganistan.

PayPal menjëherë ndërpreu shërbimin e pagesave për sajtin. Dhe pak ditë më pas reagimi erdhi ku PayPal u godit nga sulme DDoS dhe bojkot disa ditorë derisa u detyrua të rikthejë shërbimin për Wikileaks. /PCWorld Albanian